एवढे लक्षात ठेवा : कवी विंदा करंदीकर
एवढे लक्षात ठेवा : कवी विंदा करंदीकर उंची न आपुली वाढते , फारशी वाटून हेवा । श्रेय ज्याचे त्यास द्यावे , एवढे लक्षात ठेवा ।। ती पूर्वजांची थोरवी , त्या पूर्वजांना गौरवी । ती न कामी आपुल्या , एवढे लक्षात ठेवा ।। जाणते जे संगती , ते एकूण घ्यावे सदा । मात्र ती हि माणसे , एवढे लक्षात ठेवा ।। चिंता जगी या सर्वथा , कोना न येई टाळता । उद्योग चिंता घालावी , एवढे लक्षात ठेवा ।। विश्वास ठेवावाच लागे , व्यवहार चाले त्यावरी । सीमा तयाला पाहजे , एवढे लक्षात ठेवा ।। दुप्पटीने देतसे जो, ज्ञान आपण घेतलेले । तोच गुरुचे पांग फेडी, एवढे लक्षात ठेवा ।। माणसाला शोभणारे , युद्ध एकच या जागी । त्याने स्वतःला जिंकले , एवढे लक्षात ठेवा ।।